मुसिकोट । रुकुम पश्चिममा सोमबार थप एक जना कोरोना संक्रमितको मृत्यु भएको छ । जिल्लाको त्रिवेणि गाउँपालिका वडा नं. ३ का ४७ वर्षका पुरुषको गाउँपालिकाले सञ्चालन गरेको आईसोलेसनमा उपचारका क्रममा मृत्यु भएको हो ।
अक्सिजनको मात्रा घटेपछि सोमबार बिहान ४ बजे उनको मृत्यु भएको गाउँपालिका स्वास्थ्य संयोजक विरवहादुर डाँगीले जानकारी दिनुभयो।
उनी कोरोना संक्रमण देखिएपछि २६ गतेबाट आईसोलेसनमा बस्दै आएका थिए । यस्तै रुकुम पश्चिममा कोरोनाको दोस्रो कहर सुरु भएपछि कोरोनाका भाइरसका कारण मृत्यु हुनेको संख्या ८ पुगेको छ भने अहिले सम्म जिल्लामा ५०० जना संक्रिमित रहेका छ।
