बार्सिलोनालाई उपाधि होडमा गम्भीर धक्का

Corona-Ad-Raptisonari

बार्सिलोनालाई उपाधि होडमा गम्भीर धक्का

स्पेनिस ला लिगा फुटबलको उपाधि होडमा बार्सिलोनालाई गम्भीर धक्का लागेको छ । लिग अन्तर्गत मंगलबार राति भएको लेभान्टेसँगको खेलमा लिएको २–० को अग्रता जोगाउन सकने बार्सिलोनाले ।

अवे मैदानमा भएको खेलमा बार्सिलोना लेभान्टेसँग ३–३ को बराबरीमा रोकियो । २५ औँ मिनेटमा लियोनल मेस्सी तथा ३४ औँ मिनेटमा पेड्रो गोन्जालेज लोपेजले गोल गरि बार्सिलोनालाई पहिलो हाफमा २–० को अग्रता दिलाए ।

तर दोस्रो हाफमा सो अग्रता कायम हुन सकेन । लेभान्टेका लागि ५७ औँ मिनेटमा गोन्जालो मेलेरो र ५९ औँ मिनेटमा जोसे लुइज मोरालेसले गोल गरि खेल २–२ को बराबरीमा ल्याए । ६४ औँ मिनेटमा उसमान डेम्बेलेले गोल गरि पुनः बार्सिलोनालाई अग्रता दिलाए ।

तर ८३ औँ मिनेटमा सर्जिओ लिअनले लेभान्टेका लागि बराबरी गोल गरे । जित निकालेर शीर्ष स्थानको एथ्लेटिको मड्रिडलाई पछि पार्ने अवसर बार्सिलोनाले गुमायो ।

दोस्रो स्थानमा पुगेको बार्सिलेनाको दुई खेल बाँकी हुँदा ७६ अंक भएको छ । तीन खेल बाँकी रहेको शीर्ष स्थानको एथ्लेटिको मड्रिडको ७७ तथा तेस्रो स्थानको रियल मड्रिडको ७५ अंक छ ।

ला लिगा अन्तर्गत मंगलबार राति भएका अरु खेलमा ओसासुनाले काडिजलाई ३–२ तथा एलाभेसले एल्चीलाई २–० ले पराजित गरेका छन् ।

Dunduwa Ad
Florence Ad
उजेली न्यूज
हरेकपल ताजा समाचार
Corona Ad Narainapur

प्रतिक्रिया दिनुहोस्

सम्बन्धित समाचार