भारतको एक अस्पतालमा उपचाररत अवस्थामा भागेका एक जना कोरोना संक्रमित व्यक्ति आज फेला परेका छन ।
भारतको दिल्लीको निजामुद्दिन क्षेत्रमा भएको तबलिगी जमात भेलामा सहभागी नेपालको सुनसरी जिल्लाका ६५ वर्षीय जमाती मुल्ला मोल्बी उत्तर प्रदेशको बागवत अस्पतालबाट उपचारकै क्रममा भागेपछि प्रहरी फेला पारेको छ ।
अस्पतालबाट भागेर उनी नेपाल छिरेको आशंका गरिएपनि ती व्यक्ति खेकडा क्षेत्रमै रहेको इँटाभट्टा नजिकैबाट भारतीय प्रहरीले नियन्त्रणमा लिएको छ । ६५ वर्षका ती व्यक्तिलाई जिल्ला अस्पतालमा कोभिड(१९ को उपचार गरिने भएको छ ।
बागपतका प्रहरी प्रमुख यादवका अनुसार ती व्यक्ति लाई हामीले किन भागे भनेर बुझ्न खोज्छौँ। उनी पीडित हुन्, हामी उनको स्वास्थ्यको हेरविचार गछौ । चिकित्सकहरूले दिएको जानकारी अनुसार उनको स्वास्थ्य अवस्था ७० प्रतिशत ठीक छ। तर तनाव वा अरू कारणले उनी भागेको हुन सक्ने बताएको छ ।
यस अघि अस्पतालले कोरोना संक्रमित फरार भएपछि उनीबाट थप संक्रमण फैलाउन सक्ने भन्दै समाचार त्यहाँको प्रहरीले तस्बिरसहितको अपिल सार्वजनिक गरेको थियो । बीबीसी / हिन्दुस्तान डटकमबाट
