मुसिकोट । रुकुम पश्चिममा खुकुरी प्रहारबाट एक युवा घाईते भएका छन् ।
आज दिउँसो जिल्लाको आठबिसकोट नगरपालिका वडा नम्वर ३ स्यालाखदिका २३ बर्षिय कर्णबहादुर बोहरा स्थानीय युवाकोहरुको खुकुरी प्रहारबाट गम्भिर घाईते भएको जिल्ला प्रहरी कार्यालय रुकुम पश्चिमले जनाएको छ ।
जिल्ला प्रहरी कार्यालयका सूचना अधिकारी प्रहरी निरिक्षक कपिल जंग शाहीका अनुसार घाईते बोहराको मुख, चिडडो, टाउकोमा गम्भिर चोट लागेको छ । उहाँलाई उपचारको लागि स्थानीय स्वास्थ्य चौकिमा लिईएको छ ।
प्रमुख जिल्ला अधिकारी बद्रिनाथ गैह्रेका अनुसार भौगोलिक रुपमा विकट र त्यहाँ प्रभावकारी उपचारको व्यवस्था नभएकोले हेलिकोप्टर मार्फत थप उपचारको लागि बाहिर लैजान पहल भैरहेको छ ।
घटनामा संलग्न हुनेहरुमा स्थानीय १८ बर्षका महेन्द बिक, २४ बर्षका गोपाल बिक, २१ बर्षका विष्णु कामी, २२ बर्षका कृष्ण बिक रहेको प्रहरीले जनाएको छ । उनीहरु फरार रहेको र खोजी तिब्र पारिएको प्रहरीले जनाएको छ ।
पुरानो राजनैतिक रिसिईबी, खानेपानी मुहानको पुरानो विवादको कारण घटना भएको प्रहरीले जनाएको छ । घाइते बोहरा नेपाली काँग्रेसका कार्यकर्ता हुन् भने आक्रमणकारीहरु नेकपा माओवादीका कार्यकर्ता रहेको जनाईएको छ ।
घटनाले ठुलो रुप लिने देखिएपछि जिल्लाबाट थप प्रहरी घटनास्थलतर्फ पठाईएको जिल्ला प्रहरी कार्यालयले जनाएको छ ।
