चैत २८ दाङ
दाङको बेलझुण्डीमा रहेको क्वरेण्टीनमा कोरोना भाइरसको आशंकामा भर्ना भएका २० जनाको कोरोना परीक्षण रिपोर्ट नेगेटिभ आएको छ । यस अघि ८ जनाको नमुना परीक्षण गर्दा हिजो नेगेटिभ आएको जिल्ला स्वास्थ्य कार्यालय दाङका कोरोना भाइरस फोकल पर्सन कमल चन्दले जानकारी दिनुभएको छ ।
कैलालीको गौरीफन्टा नाका भएर आएका सात जना सहित २० जनाको स्वाब परीक्षण गरिएको थियो । यो सँगै दाङमा ४० जना व्यक्तिमा कोरोना जाँच गरिएको सबैको स्वाब परीक्षण गर्दा नेगेटिभ आएको छ ।
