मुसिकाेट । कर्णाली प्रदेश सरकारले रूकुम पश्चिमकाे मुसिकाेट नगरपालिका वडा नं १ खलंगामा निर्माणाधीन विपि स्मृति भवन निर्माणका लागि ४० लाख रूपैयाँ विनियाेजन गरेकाे छ ।
कर्णाली प्रदेश सरकारले यसअघि १५ लाख र पछि २५ लाख रूपैयाँ गरेर निर्माणाधीन कुल ४० लाख रूपैयाँ बजेट विनियोजन गरेकाे हाे । साे बजेटले चालू आर्थिक वर्ष भित्र भवन निर्माणको काम सम्पन्न गरिसक्नु पर्ने छ ।
आफूहरूकाे निरन्तर पहलमा प्रदेश सरकारले बजेट विनियाेजन गरेकाे नेपाली काङ्ग्रेसका केन्द्रीय सदस्य मानबहादुर नेपालीले जानकारी दिनुभयाे । “हाम्राे आग्रहलाई स्वीकार गरेर विपि काेइराला स्मृति भवनका लागि बजेट विनियोजन गरिदिनुभएकाेमा प्रदेश सरकार र मुख्यमन्त्री जीवनबहादुर शाहीलाई हामी विशेष धन्यवाद ज्ञापन गर्दछाैं” नेपालीले भन्नुभयाे ।
यसैबीच काङ्ग्रेस केन्द्रीय सदस्य नेपाली र प्रदेश महामन्त्री कृष्णबहादुर राेकायसँगकाे भेटमा मुख्यमन्त्री शाहीले भवन निर्माणमा हाल सम्म भएकाे प्रगति विवरणकाे बारेमा चासाे व्यक्त गर्नुभएकाे थियाे ।
