रुकुमकोट । रुकुम पूर्वको पुथा उत्तरगंगा गाउँपालिकाका कृषकलाई जैविक विषादि र झोल मल बनाउने तालिम दिइएको छ ।
यूनाइटेड मिसन टु नेपाल रुकुम पूर्व कलष्टर (यूएमएन) को आर्थिक सहयोग र मिक नेपाल रुकुम पूर्वको आयोजनामा पुथा उत्तरगंगा गाउँपालिकाका वडा नम्बर १०, ११ र १३ का १८ जना कृषकलाई तालिम दिइएको हो ।
वडा नम्बर ११ को उपल्लो सेरामा दुई दिनसम्म सञ्चालन भएको तालिमको सहजिकरण पुथा उत्तरगंगा गाउँपालिका कृषि सेवा केन्द्र कोलका प्राविधिक बसम मल्ल र एकिकृत कृृषि तथा पशुुपन्छि विकास कार्यालयका प्राविधिक प्रशान्त सुनारले गर्नुभएको थियो ।
तालिम पश्चात जैविक विषादि र झोल मल बनाउनको लागि १८ जना कृषकलाई ७० लिटरका ड्रम वितरण गरिएको परियोजना संयोजक उत्तम विकले जानकारी दिनुभयो ।
