असार १ गतेदेखि भदौ मसान्तसम्म सडक खन्न प्रतिबन्ध

असार १ गतेदेखि भदौ मसान्तसम्म सडक खन्न प्रतिबन्ध

फाईल तस्बीर ।

सरकारले वर्षायाममा सडक खन्न प्रतिबन्ध लगाएको छ।

सडक विभागले आज सार्वजनिक सूचना जारी गर्दै आगामी असार १ गतेदेखि भदौ मसान्तसम्म सडक खन्न रोक लगाइएको जनाएको हो।

वर्षायाममा धारा, ढल, बिजुली, टेलिफोन आदि प्रयोजनका लागि सडक खन्दा तत्काल मर्मत सम्भार गरी यथास्थितिमा ल्याउन नसकिने र सडक थप बिग्रिँदै जाने भएकाले खन्न रोक लगाइएको विभागले जारी गरेको सूचनामा उल्लेख छ।

रोक लगाइएको अवधिमा संघीय सडक सुपरिवेक्षण तथा अनुगमन कार्यालय काठमाडौं र सडक डिभिजनहरु मातहतका कुनै पनि सडक खन्ने स्वीकृति नदिइने विभागले सूचनामा उल्लेख गरेको छ।

यदि कसैले जबर्जस्ती सडक खनेको पाइएमा सार्वजनिक सडक ऐन २०३१ अनुसार कडा कारबाही गरिने चेतावनी समेत विभागले दिएको छ।

उजेली न्यूज
हरेकपल ताजा समाचार

प्रतिक्रिया दिनुहोस्

सम्बन्धित समाचार