काठमाडौँ । लगानी बोर्डको प्रमुख कार्यकारी अधिकृत सीईओ छनोटमा ढिलाई भएको छ । बोर्डको नयाँ सीईओका लागि परेका १२ आवेदन माथीको छानविन शुरु भईनसकेको अर्थमन्त्री संयोजकत्वको सिफारिस समितिका सदस्य गोविन्द नेपालले जानकारी दिएका छन ।
बोर्डको सीईओका लागि गत असार १९ गतेसम्म म्याद दिएर आवेदन मागिएपनि त्यसपछिको प्रक्रिया शुरु हुन सकेको छैन । बोर्डको सीईओका लागि दरखास्त दिनेहरुमा सरकारी निकायका पदीय जिम्मेवारीमा रहेका अधिकारीदेखि बैंकर, पूर्व प्रशासक तथा चार्टर एकाउन्टेन सम्मका छन् ।
अर्थमन्त्री डा. युवराज खतिवडा संयोजकत्वको ३ सदस्यीय सिफारिस समितिले ३ जनाको नाम छनोट गरि मन्त्रिपरिषदमा पेश गर्नेछ । सोही आधारमा सरकारले नयाँ नियुक्ती गर्नेछ ।
