काठमाडौँ। सोमबार राति खसेको पहिरोले अवरुद्ध बनेको नारायगणगढ मुग्लिन-सडकखण्ड आज दिउँसोबाट दुईतर्फी रुपमा सञ्चालनमा आएको छ । चितवनको इच्छाकामना गाउँपालिका ६ स्थित चारकिलो नजिक विभिन्न ५ ठाँउमा झरेको पहिरो सफा गरेर दिउँसो साढे २ बजेदेखि सडक सञ्चालनमा ल्याइएको हो ।
सडक आयोजनाका इन्जिनियर शिव खनालले डाँडाबाट लेदोसहितको झरेको हिलो र ढुंगा पन्छाएर सडक सञ्चालन गरिएको बताए । सोमबार राति अबेर सडक एकतर्फी रुपमा सञ्चालनमा ल्याइएको भएपनि पुनः पानीसँगै पहिरो खस्न पुग्दा सडक अवरुद्ध बन्न पुगेको थियो ।
