मुसीकोट । रुकुम पश्चिमको शीतल क्याम्पस चौरजहारीको भवन निर्माण सुरु भएको छ । बिहिबार ८ कोठाको नयाँ बन्न लागेको भवनको क्याम्पस सञ्चालक समितिका अध्यक्ष खुमबहादुर खड्काले शिलान्यास गर्नुभएको छ ।
कर्णाली प्रदेश सरकारको ५० लाख र बाँकी चौरजहारी पालिकाले व्यहोर्ने गरी भवन निर्माण सुरु गरिएको अध्यक्ष खड्काले जानकारी दिनुभयो ।
अहिले क्याम्पसमा १५ कोठा २ वटा भवन रहेको छ । क्याम्पसमा पठनपाठनका लागि कक्षा कोठाको अभाव भए पछि नयाँ भवन निर्माणको काम शुरु गरिएको हो ।
भवन निर्माण पछि क्याम्पसको पठन पाठन सहज हुने क्याम्पसले बताएको छ । क्याम्पसमा ५ सय बढी विद्यार्थी अध्ययनरत रहेको क्याम्पसले जनाएको छ ।
