लकडाउन बेला नेपाल प्रहरीबाट नागरिकमाथि भइरहेका ज्यादतीका घटना दिनदिनै बाहिर आएका छन्। बिहीबार कलंकीमा औषधि किनेर फर्किएका तीन जनामाथि प्रहरीले लाठी बर्साएको छ।
साँझ सवा ५ बजेतिर कलंकी चोक र कलंकी मन्दिर बीचमा औषधि किनेर फर्किरहेका तीन जनालाई प्रहरीले अमानवीय तरिकाले लाठी हानेको भिडिओ सामाजिक सञ्जालमा भाइरल भइरहेको छ। उक्त भिडिओ हेल्थपाटी डटकमका पत्रकार जगन्नाथ ढकालले खिचेका हुन्।
