रुकुुमकोट । रूकुम पूर्बमा वाम लोकतान्त्रिक गठबन्धनको तर्फबाट प्रदेश सभा (ख) मा प्रत्यक्ष तर्फ नेपाली काँग्रेसका उम्मेदवार धनबहादुर केसीले चुनावी अभियान अन्तर्गत भेटघाट कार्यक्रमलाई तिब्रता दिनुुभएको छ ।
उम्मेदवार केसीले आज रुकुम जिल्लाको भुमे गाउँपालिका वडा नम्वर ८ कुचिबाङका विभिन्न टोलहरुमा पुगेर घरदैलो र भेटघाट गर्नुभएको छ ।
गाउँ पुगेका केसीलाई स्थानीयहरुले गाजाबाजा सहित स्वागत गरेका थिए ।
भेटघाट कार्यक्रममा उम्मेदवार केसीले आफू निर्वाचित भएपछि दुई वर्षभित्रमा कुचिवाङ, सिस्ने जस्ता सडक सञ्जाल नपुगेका विकट ठाउँमा सडक सञ्जाल पुर्याउने प्रतिबद्धता व्यक्त गर्नुभएको छ ।
उहाँले विकास निर्माणको पहिलो आधार सडक रहेकाले आफूले पहिलो प्राथमिकतामा राखेर काम गर्ने बताउनुभयो ।
घरदैलो कार्यक्रममा नेकपा माओवादी केन्द्र, नेपाली काङ्ग्रेस, नेकपा एकिकृत समाजवादीका कार्यकर्ताको सहभागीता रहेको थियो ।
