मुसिकोट । गजलकार प्रेम संगम (प्रेमबहादुर घर्ती) को गजल गित ‘निदाउन सक्दिन’ सार्वजनिक भएको छ ।
रुकुम पश्चिमको चौरजहारी नगरपालिका वडा नम्बर १४ निवासी प्रेम संगमको शब्द सृजना र भ्याइस अफ नेपाल सिडि विजय अधिकारीको स्वरमा रहेको गजल गित ‘निदाउन सक्दिन’ आज सार्वजनिक भएको हो ।
प्रेम सम्बन्धमा आधारित उक्त गजल गितमा विजय अधिकारीको स्वर तथा संगीत रहेको छ । राजु कार्कीले एरेन्ज गरेको उक्त गितमा निक्स शर्मा र आभा थापाको अभिनय रहेको छ । दिन्सन शाहको सम्पादन रहेको उक्त गजल गितको निर्देशन सन्तोष राज बयकले गर्नुभएको हो ।
विभिन्न कारणले प्रेम सम्बन्धमा आउने उतार चढावलाई गितमा देखाइएको छ । केटीले वैदेशिक रोजगारीका लागि जाम भनेको र केटाले जान नमानेपछि केटी अर्कैसंग गएपछि प्रेम विछोडको वियोगान्तमा केटाले उक्त गजल सृजना गरेको देखाइएको छ ।
शब्द रचनाकार प्रेम संगम रुकुम पश्चिमको त्रिवेणी गाउँपालिकाको प्रमुख प्रशासकिय अधिकृत पदमा कार्यरत हुनुहुन्छ । उक्त गित सिडि विजय अधिकारीको युट्युव च्यानलबाट सार्वजनिक गरिएको छ ।
भिडियो
