मुसिकोट । जिल्ला प्रहरी कार्यालय रुकुम पश्चिमले जङ्गलमा लुकाएर राखेको ७ नाल भरुवा बन्दुक नियन्त्रणमा लिइएको छ ।
सोमबार राती जिल्ला प्रहरी कार्यालय रुकुम पश्चिमका प्रहरी निरीक्षक विष्णु प्रसाद श्रेष्ठको कमाण्डमा खटिएको ९ जनाको प्रहरी टोलीले मुसीकोट नगरपालिका –७ ग्यामखोला स्थित जंगल ७ थान भरुवा बन्दुक बरामद गरेको हो।
गोप्य सूचनाका आधारमा वेवारिसे अवस्थामा रहेका बन्दुक फेला पारिएको प्रहरी निरीक्षक श्रेष्ठले जानकारी दिनुभयो । नियन्त्रणमा लिएका बन्दुक जिल्ला प्रहरी कार्यालयमा राखिएको र थप अनुसन्धान भइरहेको प्रहरीले जनाएको छ ।
बन्दुकहरु कसले र किन राखेको हो भन्ने बिषयमा अनुसन्धान भईरहेको प्रहरीको भनाई रहेको छ । बन्दुक स्थानीयले सिकार खेल्नको लागि जङगलको ओढारमा लुकाएर राखेको हुन सक्ने आशंका गरिएको छ ।
