मुसिकाेट । भूकम्पले क्षति भएको सानीभेरी गाउँपालिका–१ रुकुम पश्चिमको भेरी दोभान माध्यमिक विद्यालयमा अस्थायी सिकाई केन्द्र निर्माण गरिएको छ ।
विद्यालयमा नेकपा एमालेका स्वयंसेवकले अस्थायी सिकाई केन्द्रका लागि त्रिपालका टहरा निर्माण गरेका हुन् । नेकपा एमाले लुम्बिनी प्रदेश कमिटीबाट खटिएका स्वयंसेवकले अस्थायी कक्षा कोठा बनाएका नेकपा एमाले केन्द्रीय सदस्य एवं विपद् व्यवस्थापन तथा स्वयंसेवा विभाग प्रमुख किरण पौडेलले जानकारी दिनुभयो ।
विद्यालयमा ३ सय ४० विद्यार्थी अध्ययन गरिरहेका छन् । भूकम्पको कारण सो विद्यालय भवनमा क्षति भएको छ । विद्यालयको कक्षा कोठा भित्र विद्यार्थी बस्न जोखिम भएपछि अस्थायी सिकाई कक्षा बनाइएका हुन् ।
अस्थायी कक्षालाई केही फिनिसिङ गरेपछि पछि पठन पाठन सुरु गर्न सकिने पौडेलले बताउनुभयो । विद्यार्थीलाई अहिले खुल्ला चौरमा राखेर पठनपाठन गराइँदै आएको छ ।
