बागलुङको निसीखोला गाउँपालिका–६ स्थित जाउलेपानीमा बस दुर्घटनामा घाइते हुनेको सङ्ख्या २५ पुगेको छ ।
रूकुम पश्चिमबाट मध्यपहाडी लोकमार्ग हुँदै काठमाडौंका लागि छुटेको बागमती प्रदेश ०१–००६ ख ३८७९ नम्बरको रात्रिबस सोमबार साँझ मध्यपहाडी लोकमार्गमा दुर्घटना हुँदा सात जनाको मृत्यु भएको छ । घाइतेलाई उपचारका लागि बुर्तिबाङ पठाइएको निसीखोला गाउँपालिका अध्यक्ष सूर्यबहादुर घर्तीले जानकारी दिए ।
मृतक र घाइतेको पहिचान भइसकेको छैन।
घटनाको थप विवरण आउन बाँकी रहेको प्रहरीले जनाएको छ ।
