काठमाडौँ । प्रहरीले अनलाइन जुवा खेलाएको आरोपमा विराटनगरबाट दाजुभाइलाई पक्राउ गरेको छ ।
वान एक्स बेटलगायत विभिन्न एपमार्फत सट्टेबाजी गराएको आरोपमा विराटनगर महानगरपालिका–१२ का २० वर्षीय उत्सव अर्याल र १८ वर्षीय उत्कृष्ट अर्याललाई प्रहरीले पक्राउ गरेको हो ।
‘एन्ड्रोइड मोबाइलमा ‘वान एक्स बेट’लगायतका एप्स डाउनलोड गरेको पाइएको थियो’, डीएसपी बस्नेतले भने, ‘त्यसमार्फत ‘अनलाइन डिजिटल’ खाताबाट सट्टेबाजी लिनेदिने काम गर्ने गरेको खुल्यो ।’
सट्टेबाजीमा प्रयोग गर्दै आएको कम्प्युटरको सीपीयू, राउटर, मोबाइललगायत घरको कोठाबाट बरामद गरिएको जानकारी उनले दिए ।
उनीहरुविरुद्ध सट्टेबाजी आरोपमा अनुसन्धान भइरहेको छ ।
