रुकुम पश्चिमको सानीभेरी गाउँपालिका ५ मा मतगणना जारी रहेको छ । वडा अध्यक्ष पदका लागि आज भएको उपनिर्वाचनको मतगणना जारी रहेको हो ।
निर्वाचन अधिकृतको कार्यालयले मतदानस्थलबाट सबै मतपेटिका समयमै ल्याएर केहि समयअघि मतगणना सुरु गरेको थियो ।
वडा कार्यालयमा रहेको मुख्य निर्वाचन अधिकृतको कार्यालयमा मतपेटिका पुगेपछि सर्वदलिय बैठक बसेको र त्यसपछि मतगणना सुरु गरिएको सहायक निर्वाचन अधिकृत गोविन्द प्रसाद कोइरालाले जानकारी दिनुभयो ।
उहाँका अनुसार दुवै मतदान केन्द्रको मतपेटिका एकै साथ पारेर मतगणना सुरु गरिएको छ । वडा नम्वर ५ मा भएको उपनिर्वाचनमा ७९।९२ प्रतिशत खसेको थियो ।
आजै मत परिणाम आउने बताईएको छ । यस वडामा रिक्त वडाध्यक्ष पदका लागि नेपाली कांग्रेसकाका मोतिराम खत्री र नेकपा (माओवादी केन्द्र) का जसीराम बस्नेत वडा अध्यक्षका उम्मेदवार हुनुहुन्छ ।
