काठमाण्डाै । नेपाली सेनाका सहायक रथी दिनेशकुमार केसीको कोरोना सङ्क्रमणका कारण निधन भएको छ ।
कोरोना सङ्क्रमण भएर छाउनीमा रहेको सैनिक अस्पतालमा उपचार गराइरहेका केसीको बिहान निधन भएको सैनिक प्रवक्ता सन्तोषवल्लभ पौडेलले जानकारी दिनुभयो ।
केसी सेनाको १३ नम्बर बाहिनी लगनखेलका बाहिनीपति हुनुहुन्थ्यो । कोरोना भाइरसको सङ्क्रमणबाट ज्यान गुमाउने केसी नेपाली सेनाका उच्च अधिकारी हुनुहुन्छ ।
२८ बेसिकका अधिकृत केसी एक वर्षअघि जर्नेलमा बढुवा हुनुभएको थियो ।
