मुसिकोट । नेकपा (एमाले) निकट अखिल नेपाल महिला संघ (अनेम संघ) रुकुम पश्चिमको आठौं जिल्ला सम्मेलन सम्पन्न भएको छ ।
मंगलबार जिल्ला सदरमुकाम खलंगामा सम्पन्न सम्मेलनबाट हिम कुमारी केसीको अध्यक्षतामा नयाँ कार्य समिति चयन भएको नेकपा (एमाले) मुसिकोट नगर कमिटीका अध्यक्ष गोकर्ण खड्काले जानकारी दिनुभयो ।
उहाँका अनुसार उपाध्यक्षमा तुलसा राना र हरिसा दमाई, सचिवमा हुकुम कुमारी केसी, उपसचिवमा दोपा कामी र कोषाध्यक्षमा जानकी उपाध्याय चयन हुनुभएको छ ।
त्यसैगरी सदस्यहरुमा डम्बरा खड्का, मनमती चन्द, दुर्गा खत्री, काली कामी, पवित्रा गिरी, निर्मला गौतम र बिना शाही सर्ववसम्मत चयन हुनु भएको छ ।
