मुसिकोट । जिल्लाको बाँफिकोट गाउँपालिकामा दुई दिने किसान सुचिकरण सहजकर्ता (गणक) तालिम सम्पन्न भएको छ । आईतबार र सोमबार चलेको तालिममा किसान सूचिकरणको लागि गाउँपालिकाले छनौट गरेका २२ जना गणकहरुलाई तालिम दिईएको छ ।
तालिममा सहभागी सहजकर्ताहरुले भोलि (मंगलबार) देखि नै किसान सूचिकरणको काम सुरु गर्ने गाउँपालिकाका कृषि शाखा प्रमुख लोकेन्द्र ओलीले बताउनुभयो । गणकहरुले प्रत्येक किसानको घरमा पुगेर वास्तविक तथ्यांक ल्याउने समेत उहाँले जनाउनुभयो ।
गाउँपालिका अध्यक्ष धर्मबहादुर केसीको अध्यक्षमा भएको तालिममा कृषि विकास कार्यालयका प्राविधिक सहायक महेश कुमार बिष्टले सहजिकरण गर्नुभएको थियो ।
दुई दिन सम्म गाउँपालिकामा चलेको किसान सुचिकरण सहजकर्ता (गणक) तालिममा सहभागी सहजकर्ताहरुलाई तथ्यांक संकलनबारे सिकाईएको बताईएको छ ।
