असार ६ काठमाडौ
कर्णाली प्रदेशमा पछिल्लो २४ घण्टामा थप ४७ जनामा कोरोना भाइरस (कोभिड-१९) को संक्रमण पुष्टि भएको छ ।
सुर्खेतस्थित प्रदेश अस्पताल, पशुपन्छी रोग अनवेषण केन्द्र र राप्ती स्वास्थ्य विज्ञान प्रतिष्ठान दाङको प्रयोगशालमा भएको परीक्षणबाट शनिवार ४६ जनामा कोरोना पुष्टि भएको हो ।
थपिएका संक्रमितमध्ये दैलेखका १९, सल्यानका २६ जना र जाजरकोटका १ जना रहेको सामाजिक विकास मन्त्रालयको स्वास्थ्य सेवा महाशाखा प्रमुख डा. लक्ष्मीनारायण तिवारीले पुष्टि गरे ।
यस्तै राप्ती स्वास्थ्य विज्ञान प्रतिष्ठान दाङका अनुसार रुकुम पश्चिमकाे मुसिकाेट नगरपालिका-१२ का ३३ बर्षका एक पुरुषलाई काेराेना संक्रमण पुष्टि भएको हाे ।
यससँगै कर्णालीमा संक्रमितको संख्या १२४६ पुगेको छ ।
