देशभर मनसुन सक्रिय, केही स्थानमा भारी वर्षाको सम्भावना

Corona-Ad-Raptisonari

देशभर मनसुन सक्रिय, केही स्थानमा भारी वर्षाको सम्भावना

असार ८ काठमाडौं

मनसुनी गतिविधि देशभर नै सक्रिय भएको जल तथा मौसम पूर्वानुमान महाशाखाले जनाएको छ । पूर्वबाट जुन १२ मा प्रवेश गरेको मनसुन अब सुदूरपश्चिमसम्म पनि पुगेको मौसमविद मिनकुमार अर्यालले बताएका छन् ।

उनले भने, ‘सुदूरपश्चिममा पश्चिमी वायुको केही प्रभाव थियो । तर आइतबार बेलुकादेखि पश्चिमी वायुलाई पूर्वी मनसुनी वायुले धकेलेको छ र सो क्षेत्रमा पनि मनसुन प्रवेश गरेको छ ।’ यसको अर्थ देशभर मनसुन सक्रिय भइहेको भन्ने हो ।

देशभर नै मनसुनी झरी परिरहेको छ । हाल अधिकांश स्थानमा सामान्यदेखि पूर्ण बदली रही धेरै क्षेत्रमा पानी परिरहेको मौसमविद अर्यालले बताए । देशका धेरै स्थानमा रातिदेखि नै हल्कादेखि मध्यम वर्षा भइरहेको हो ।

सोमबार दिनभर पनि देशभरको मौसम सामान्यदेखि पूर्ण बदली रही धेरै स्थानमा हल्कादेखि मध्यम वर्षाको सम्भावना रहेको छ ।

प्रदेश १, प्रदेश २, प्रदेश ५, बागमती प्रदेश, गण्डकी प्रदेशका केही स्थान तथा कर्णाली र सुदूरपश्चिम प्रदेशका थोरै स्थानहरुमा हल्कादेखि मध्यम वर्षा हुने मौसमविदले जानकारी दिए ।

प्रदेश १, प्रदेश २, बागमती प्रदेश, गण्डकी प्रदेश र प्रदेश ५ का एक–दुई स्थानमा भारी वर्षाको संभावना रहेको छ ।

यस्तै राति सुदूरपश्चिम प्रदेश, कर्णाली प्रदेश तथा प्रदेश ५ मा सामान्य बदली रही बाँकी प्रदेशमा पूर्ण बदली हुनेछ ।

प्रदेश १, प्रदेश २, बागमती प्रदेश, गण्डकी प्रदेशका केही स्थान तथा प्रदेश ५, कर्णाली र सुदूरपश्चिम प्रदेशका थोरै स्थानमा हल्कादेखि मध्यम वर्षाको संभावना रहेको मौसम पूर्वानुमान महाशाखाले जनाएको छ ।

विभिन्न नदीमा पानीको बहाव बढ्ने, पहिरो जाने, सडक तथा हवाई यातायात प्रभावित हुने सम्भावना पनि रहेको जनाइएको छ । यस्तै ढल र पानीको राम्रो निकाश नभएको ठाउँमा डुबान समेत हुन सक्ने भएकोले आवश्यक सतर्कता अपनाउन मौसमविदले आग्रह गरेका छन् ।

सोमबार बिहान काठमाडौँ उपत्यकाका धेरै स्थानमा मध्ययमदेखि भारी वर्षा भएकोले बागमती, मनोहरा, हनुमन्ते, विष्णुमती, नख्खु लगायतका खोलामा पानीको बहाव बढेको बाढी पूर्वानुमान महाशाखाले जनाएको छ ।

यस्तै काठमाडौँ उपत्यका आसपास भई बहने स–साना नदीमा जलसतह बढ्दो रहेको र केहीमा सतर्कतासम्म पुग्ने सक्ने देखिएकाले नदी किनारको सडक भई यात्रा गर्दा उच्च सतर्कता अपनाउन महाशाखाले आग्रह गरेको छ ।

Dunduwa Ad
Florence Ad
उजेली न्यूज
हरेकपल ताजा समाचार
Corona Ad Narainapur

प्रतिक्रिया दिनुहोस्

सम्बन्धित समाचार