अत्यावश्यक काम बाहेक बैंकमा नआउन बैंकर्स संघको अपिल

Corona-Ad-Raptisonari

अत्यावश्यक काम बाहेक बैंकमा नआउन बैंकर्स संघको अपिल

काठमाडौं । पछिल्लो समय देशका विभिन्न शाखाहरुमा रहेका बैंकका कर्मचारीहरुलाई कोरोनाको संक्रमण बढ्न थालेपछि नेपाल बैंकर्स संघले अत्यावश्यक अवस्थामा बाहेक बैंकका शाखा कार्यालयमा नआउन अपिल गरेको छ। विश्वव्यापी महामारीको रुपमा फैलिएको कोरोना भाइरसको प्रभावबाट बँच्न तथा जोखिमहरु न्यूनीकरणका लागि डिजिटल बैंकिङ कारोबार गर्न संघले अनुरोध गरेको छ।

डिजिटल बैंकिङको माध्यमबाट प्रायजसो सबै प्रकारका दैनिक कारोबार गर्न सकिने हुनाले डिजिटल बैंकिङ सेवाको अझ बढी प्रयोग गर्न बैंकहरुले अनुरोध गरेका छन्।

एउटा ‍खाताबाट अर्को खातामा रकम जम्मा गर्न, विभिन्न बिल भुक्तानी गर्न, आफ्नो खाताको कारोबार विवरण हेर्न, खातामा रहेको रकम हेर्नलगायतका काम सहज रुपमा डिजिटल बैंकिङबाट सकिने भएकाले घरमै बसी सहज रुपमा बैंकिङ सुविधा लिन संघले ग्राहकरुलाई अपिल गरेको हो।

डिजिटल बैंकिङ प्रयोग गर्दा कुनै पनि प्राविधिक समस्या भएमा, पासवार्ड बिर्सिएमा वा अन्य कुनै आप्ठ्यारो परेको खण्डमा सम्बन्धित बैंकको शाखामा फोनमार्फत सम्पर्क गरि सहयोग लिन सकिनेछ। आफ्नो खाता वा खाताबाट भएको कारोबारको सिलसिलामा कुनै पनि जानकारी वा प्रश्न भएमा समेत सम्बन्धित शाखामा फोनमार्फत सम्पर्क गर्न सकिनेछ।

Dunduwa Ad
Florence Ad
उजेली न्यूज
हरेकपल ताजा समाचार
Corona Ad Narainapur

प्रतिक्रिया दिनुहोस्

सम्बन्धित समाचार