मुसिकोट । जिल्ला प्रशासन कार्यालय रुकुम पश्चिमले पहिलो पटक गैरआवासीय नेपाली नागरिकलाई नागरिकता प्रदान गरेको छ ।
प्रमुख जिल्ला अधिकारी हरि प्रसाद पन्तका अनुसार दुई जना गैरआवासीय नेपाली नागरिकलाई गैरआवासीय नेपाली नागरिकता प्रदान गरिएको हो ।
रुकुम पश्चिमको बाँफिकोट गाउँपालिका वडा नम्वर ५ घर भई घर भई हाल संयुक्त राज्य अमेरिका बस्नुहुने खड्क बहादुर पुन मगर र हिरा पुन मगरलाई गैरआवासीय नागरिकता प्रदान गरिएको प्रजिअ पन्तले जानकारी दिनुभयो ।
उहाँका अनुसार नेपालको संविधान, नेपाल नागरिकता ऐन तथा नियमावलीले व्यवस्था गरे बमोजिम नै कार्यालयले पहिलो पटक गैर आवासीय नेपाली नागरिकलाई नागरिकता प्रदान गरिएको हो ।
