चौरजहारी नगरपालिका नगर कार्यपालिकाको कार्यालय रुकुम (पश्चिम) ले सञ्चालनमा ल्याएको एकीकृत सेवाप्रवाह सञ्चालन केन्द्र
के हो एकीकृत सेवा प्रवाह सञ्चालन केन्द्र ?
• नगर कार्यपालिकाको कार्यालयबाट प्रवाह हुने सेवालाई सेवाग्राहीमैत्री बनाउन सञ्चालन गरिएको सेवाप्रवाहको एकीकृत बन्दोबस्त हो । सेवाका लागि कति नम्बर कोठा जाने ? के के कागजात चाहिने ? कसलाई भेट्ने ? भन्ने समस्याको समाधान एकीकृत सेवा प्रवाहले गर्दछ । फाइल बोकेर सम्बन्धित शाखा, उपशाखा, इकाइ / फाँटमा जान आवश्यक छैन । सेवाग्राही प्रतीक्षा कोठामा कार्यसम्पादन भएर सेवा हातमै आइपुग्छ । फाइल ओसारपसारको बन्दोबन्द कार्यालयले आफ्नै जनशक्तिबाट मिलाएको छ । यसलाई व्यवस्थित गर्न एकीकृत सेवाप्रवाह सञ्चालन कार्यविधि, २०८० जारी गरिएको छ ।
एकीकृत सेवा प्रवाहसँग सञ्चालनमा ल्याइएका नवीन पक्षहरू
• विद्युतीय टोकन प्रणाली,
• सेवाप्रवाहको अवस्था तथा प्रगति सम्बन्धी सेवाग्राही प्रतीक्षा कक्षमा सूचना बोर्ड,
• Time Card को सुरुवात,
• कुन शाखा / उपशाखा / फाँट र इकाइसँग सम्बन्धित सेवा हो भन्ने बारे फाइल वर्गीकरण पश्चात् शाखा / उपशाखा / फाँट र इकाइ प्रमुखलाई Notification प्राप्त हुने व्यवस्था,
• सेवाका लागि फाइलको प्रगति बारे सेवाग्राहीलाई अडियोमार्फत् जानकारी,
• सेवा पश्चात् सेवाग्राही सन्तुष्टि सर्वेक्षण,
• गुनासो सुनाइ र साप्ताहिक रूपमा फर्च्यौट गर्ने व्यवस्था ।
(फेसबुकबाट साभार)
