जेठ २२ काठमाडौ
रुकुम पश्चिमको सोती घटनाका दोषिलाई कारबाहीको माग गदै रुकुम खलंगामा राके जुलुस निकालिएको छ । नेपाल विद्यार्थी संघ रुकुम पश्चिमले बिहिबार साँझ सोती घटनाका दोषिलाई कारबाही गर्ने माग गदै आन्दोलन गरेको नेपाल विद्यार्थी संघका जिल्ला प्रतिनिधि तिलक डाँगीले जानकारी दिएका छन् ।
गत जेठ १० गते रुकुम पश्चिमको चौरजहारी नगरपालिका ८ कि मल्ल थरकी केटीसँग अन्तरजातीय प्रेम सम्वन्धका कारण भेरी नगरपालिका ४ का नबराज विक सहित ५ जनाको मृत्यु भएको छ । जिल्ला प्रहरी कार्यालय रुकुम पश्चिमले घटनामा संलग्न रहेको आरोपमा २५ जना पक्राउ गरेको छ । भने २ जना फरार रहेको जिल्ला प्रहरी कार्यालय रुकुम पश्चिमले जानकारी दिएको छ ।
जाजरकोटबाट साथी नवराज विककी प्रेमिका भगाउन रुकुम पश्चिमको चौरजहारी पुगेका उनीसहित १९ जना सोतीगाउँका स्थानीयको आक्रमणमा परेका थिए । घटनामा ६ जनाको मृत्यु भइसकेको छ । घटनामा संलग्न भएको भन्दै रुकुम प्रहरीले ८ नम्बर वडाध्यक्ष डम्मरबहादुर मल्लसहित २५ जनालाई पक्राउ गरी अनुसन्धान थालेको छ ।
