संगम देबकोटा
स्वास्थ्य सेवा कार्यालय रुकुम पश्चिमबाट प्रसूति सेवा लिनेको संख्या बढेको छ। स्वास्थ्य सेवा कार्यालयका अनुसार गत ३ वर्षको तथ्याङ्क हेर्दा १ हजार ८ सय २० जनालाई प्रसूति सेवा प्रबाह गरिएको छ । जसमा १०५ जना सल्याक्रिया मार्फत बच्चा जन्माएको तथ्याङ्कले देखाएको छ ।
सबैभन्दा वढी गत आर्थिक वर्ष २०७५÷०७६ मा ६६१ जना महिलाहरुले प्रसूति सेवा लिएका छन् । जसमध्ये ४७ जना जटिल किसीमका छन् भने ६०२ जनाले सामान्य किसीमबाट बच्चा जन्माएको जिल्ला अस्पताल रुकुमका मेडिकल रेक्रडर इश्वर रावलले जानकारी दिएका छन् ।
त्यस्तै गत आर्थिक वर्ष २०७४÷०७५ मा ५७१ जनामा ३८ जना जटिल किसीमको र ५५५ जना सामान्य प्रसूति सेवा लिएको जनाएको छ । भने गत आर्थिक वर्ष २०७६/०७७ मा जम्मा ५८८ जना मध्ये ५५७ जना सामान्य प्रसूति सेवा र बाँकी २० जनाले जटिल किसीमको प्रसूति सेवा लिएको देखाएको छ । तथ्याङ्क हेर्दा पनि गत आर्थिक वर्षहरुको तुलनामा अघिल्लो बर्षमा सबभन्दा कमले प्रसूति सेवा पाएका छन् ।
