मुसिकोट । नेकपा एमाले रुकुम पश्चिम मुसिकोट नगर कमिटीले नेपाल कम्युनिस्ट पार्टी स्थापना दिवस र लेनिन जयन्तीको अवसरमा जेष्ठ नागरिकहरुलाई सम्मान गरेको छ ।
शुक्रबार मुसिकोट नगरपालिका क्षेत्रका ५१ जना जेष्ठ नागरिकहरूलाई सम्मान गरेको नेकपा एमाले रुकुम पश्चिमका प्रचार विभाग प्रमुख कर्ण बहादुर ओलिले जानकारी दिनुभयो ।
जेष्ठ नागरिकहरुलाई बागबजार स्थित पार्टी कार्यालयमा दोसल्ला सहित अबिर लगाएर सम्मान गरिएको हो । नेकपा एमाले केन्द्रीय सल्लाहकार सदस्य गोबिन्द केसी, जिल्ला कमिटि अध्यक्ष नन्दराम देबकोटा, जिल्ला कमिटि सचिवालय सदस्यहरु, किसान संघका नेता हेमराज श्रेष्ठ लगायतले जेष्ठ नागरिकहरुलाई सम्मान गर्नुभएको हो ।
मुसिकोट नगर कमिटिका अध्यक्ष थल बहादुर ओलीको अध्यक्षतामा भएको उक्त कार्यक्रमको संचालन जिल्ला कमिटि सचिवालय सदस्य धनबहादुर बिकले गर्नुभएको जनाईएको छ ।
