मुसिकोट । रुकुम पश्चिमको बाँफिकोट गाउँपालिकामा तेस्रो राष्ट्रपति रनिङ शिल्ड सुरु भएको छ ।
आज एक कार्यक्रमका बिच रनिङ शिल्ड प्रतियोगिताको गाउँपालिका अध्यक्ष जनक कुमार बाँठा मगरले उद्घाटन गर्नुभएको छ ।
वडा नम्बर ५ को स्यार्पूमा जारी प्रतियोगितामा १० वटा मावि विद्यालयहरुको सहभागिता रहेको गाउँकार्यपालिका प्रवक्ता प्रकाश खत्रीले जानकारी दिनुभयो । उहाँका अनुसार फागुन ८ गतेदेखि १० गतेसम्म शिल्ड प्रतियोगिता सञ्चालन हुने भएको छ।
शिल्डमा छात्र, छात्रा भलिवल, कवड्डी, एथ्लेटिक्स तर्फ छात्र/छात्रा ट्रयाक दौड, उफ्रने र फाँक्ने तर्फ, हाईजम्प, लङजम्प, त्रिपलजम्प, ज्याभलिङ थ्रो, ८ पाउण्ड र १२ सय पाउण्ड सटफुट प्रतियोगिता हुने छ ।
