काठमाडौं । सरकारले आन्तरिक उडान असोज १ गतेबाट मात्र खुलाउने भएको छ। कोरोना संक्रमण बढ्दै गएपछि आन्तरिक उडान खुलाउने मिति पुन पछि सारिएको हो। यसअघि सरकारले भदौ १ गतेबाट आन्तरिक उडान खुलाउने निर्णय गरेको थियो।
त्यसपछि पनि कोरोना संक्रमण बढेको भन्दै पुन: भदौ १६ गतेसम्मका लागि उडान बन्द गर्ने निर्णय गरेको थियो। यसअघि निजी हवाई सेवा प्रदायक कम्पनीले भदौ १६ गतेबाट उडान सुरु नभए आन्दोलन गर्ने चेतावनीसमेत दिएका थिए।
