बैशाख १२ काठमाडौ
संविधानविद डा.भीमार्जुन आचार्यले समाजवादी पार्टीका सांसद डा. सरेन्द्र यादवलाई जनकपुरबाट काठमाडौं ल्याईएको प्रकरणबारे कडा टिप्पणी गर्नुभएको छ । उहाँले सामाजिक सञ्जाल ट्विटरमा यही काम सर्वसाधारण कसैले गरेको भए प्रहरीका लागि अपहरण तथा शरीर बन्धकको कसूर बन्थ्यो भन्ने तर्क गर्नुभएको छ । तर, यो घट्ना शक्ति निर्देशित र सत्ता संरक्षित भएकोले प्रहरीले चासो नलिएको पनि उहाँको दाबी छ ।
आचार्यले महेश बस्नेत र किसान श्रेष्ठ, र पूर्व प्रहरी महानिरीक्षक सर्वेन्द्र खनालले समाजवादी पार्टीका सांसद डाक्टर यादवलाई काठमाडौं ल्याईएको घट्नाबारे यस्तो टिप्पणी गर्नुभएको हो । “यही काम सर्वसाधारण कसैले गरेको भए प्रहरीकालागि अपहरण तथा शरीर बन्धकको कसूर बन्थ्यो ।
शक्ति निर्देशित र सत्ता संरक्षित घटना भएकाले प्रहरीले चासो लिने कुरा भएन। सत्ता उन्माद र शक्ति दुरूपयोगको यो पराकाष्टा हो। अति गरेपछि अनिष्ट हुन सक्छ, समय मै होस पुर्याउँ।
