मुसिकोट । नेपाली काँग्रेस त्रिवेणी गाउँ कार्यसमितिले वडा नम्वर १० मा चुनावी सभा सम्पन्न गरेको छ । घर घर जाऔ, नेपाली काँग्रेसलाई जिताऔ अभियान अन्तर्गत वडाको गैरीखेतमा शनिबार चुनावी सभा सम्पन्न गरिएको हो ।
नेपाल तरुण दल त्रिवेणी गाउँसमितिका संयोजक नबिन खड्काका अनुसार उक्त सभामा तीन जना नेकपा माओवादी केन्द्रका कार्यकर्ताले नेपाली काँग्रेसमा प्रवेश गरेका छन् ।
प्रवेश गर्नेहरुमा वडा नम्वर ८ का भक्तबहादुर खड्का, बालाराम खड्का र देबिलाल खड्का रहनुभएको संयोजक खड्काले बताउँनुभयो ।
नवप्रवेशिहरुलाई नेपाली काँग्रेसका नेता एवम् पूर्व राज्यमन्त्री गोपाल जि जंग शाह, जिल्ला पार्टी सभापति प्रेम प्रकाश ओली, महाधिवेशन प्रतिनिधि सीता ओली, कर्णाली प्रदेश सभा सदस्य थलबहादुर खड्का लगायतका नेताहरुले स्वागत गर्नुभएको हो ।
नेपाली काँग्रेस त्रिवेणी गाउँपालिका पार्टी सभापति दिपेन्द्र कुमार ओलीको अध्यक्षतामा भएको उक्त सभाको सञ्चालन पार्टी सचिव सन्तोष ओलीले गर्नुभएको थियो ।
