मुसिकोट । रुकुम पश्चिमको चौरजहारीमा फोर्स गाडी दुर्घटना भएको छ । आज बेलुका ५ बजे चौरजहारी नगरपालिका वडा नम्बर १ बसपार्कबाट चौरजहारी अस्पतालतर्फ जाने क्रममा नाखिरा गाउँमा बस दुर्घटना भएको हो । फोर्स गाडी अनियन्त्रित भएर सडकको नालिमा पल्टिएको बताईएको छ ।
जिल्ला प्रहरी कार्यालयका सूचना अधिकारी प्रहरी निरीक्षक धर्मेन्द्र खड्का अनुसार बाग्मती प्रदेश ०१००६ ख ५०६० नम्वरको गाडि दुर्घटना हुँदा ३ जना घाईते भएका छन् ।
दुर्घटनामा परेर जाजरकोटको छेडागाड नगरपालिका १२ घर भएका १९ वर्षिय सहचालक नरेश बिटालु, सल्यानको कुमाख गाउँपालिका १ निवासी ५३ बर्षिया लक्ष्मी कुमाल र कुमाख गाउँपालिका २ निवासी १२ वर्षिय गोश राना घाईते भएको प्रहरीले जनाएको छ ।
घाईतेहरुको चौरजहारी अस्पतालमा उपचार भैरहेको छ । प्रहरीका अनुसार बस सह चालक बिटालुले चलाएका थिए ।
