आजदेखि देशभरका मालपोत कार्यालय खुल्ने

आजदेखि देशभरका मालपोत कार्यालय खुल्ने

जेठ २५ काठमाडौ

आज (आइतबार) देखि देशभरका सबै मालपोत कार्यालय खुल्ने भएका छन्।

गएको चैत ११ गते बन्दाबन्दी (लकडाउन) सुरु भएपछि बन्द गरिएका मालपोत कार्यालय आजदेखि खोल्न भूमिसुधार तथा व्यवस्थापन विभागले मातहतका सबै कार्यालयलाई निर्देशन दिएको छ।

बन्दाबन्दीका कारण देशभरका भूमिसुधार तथा मालपोत कार्यालयबाट प्रदान गरिने सेवा अवरुद्ध भएको थियो। सरोकारवाला निकाय र सेवाग्राहीको न्यूनतम तथा आवश्यक सेवा सञ्चालन गर्न माग भएपछि कार्यालय खुल्न लागेका हुन्।

आजदेखि कार्यालय प्रमुखले अनिवार्य रुपमा कार्यालयमा उपस्थित भई अन्य कर्मचारीलाई पनि उपस्थित गराई स्वास्थ्य सुरक्षा सतर्कता अपनाएर सेवा सञ्चालनमा ल्याउन विभागले भनेको छ।

उजेली न्यूज
हरेकपल ताजा समाचार

प्रतिक्रिया दिनुहोस्

सम्बन्धित समाचार