काठमाडौँ। वीरगञ्जको नारायणी अस्पतालमा कोरोनाको मिल्जोजुल्दो लक्षण देखिएका एकजनाको उपचारको क्रममा मृत्यु भएको छ । बाराको कोल्हवी नगरपालिका ४ सपहीका २३ वर्षीय युवकको मृत्यु भएको हो ।
उनको उपचारको क्रममा आइतबार राति ८ बजे मृत्यु भएको नारायणी अस्पतालका प्रवक्ता डाक्टर अतुलेशकुमार चौरसियाले जानकारी दिए । श्वासप्रश्वासलगायत कोभिडको लक्षण देखिएका उनी आइतबार दिउँसो अस्पतालमा भर्ना भएका भएका थिए । मृतकको स्वाब संकलन गरेर पीसीआर परीक्षणका लागि पठाइएको तर रिपोर्ट आउन बाँकी रहेको डाक्टर चौैरसियाले बताए ।
