बैशाख १३ काठमाडौ
मुस्लिम आयोगका अध्यक्ष समिम मियाँ अन्सारीले विश्वव्यापी रुपमा फैलिएको कोरोना संक्रमणका कारण भोलिबाट सुरु हुने मुस्लिम समुदायको महान पर्व रमजानमा घरमै बसेर नमाज पढ्न आग्रह गर्नुभएको छ ।
स्वास्थ्य मन्त्रालयको नियमित ब्रिफिङका क्रममा शुक्रबार अध्यक्ष अन्सारीले महामारी कुनै जात र धर्मलाई लक्षित गरी नआउने भन्दै लकडाउनको पूर्णरुपमा पालना गर्ने सबै नागरिकको दायित्व भएको बताउनु भएको छ ।
मुस्लिम समुदायको जमातीमा वीरगञ्जबाट संक्रमण सुरु भएको र उदयपुरमा पनि ठुलो संख्यामा संक्रमण देखिएको प्रति मुस्लिम आयोग गम्भीर भएको उहाँले बताउनु भयो।
यस्तै उहाँले हिजो र आज काठमाडौ उपत्यकाका विभिन्न मस्जिदमा रहेका सबैको स्वाब परीक्षण गराइसकेको जानकारी दिनुभएको छ ।
