विश्व बरियतामा चौथो नम्बरमा रहेकी चेक गणतन्त्रकी कारोलिना प्लिस्कोभा शानदार पुनरागमन गरी फ्रेन्च ओपन टेनिसको दोस्रो चरणमा प्रवेश गरेकी छन् ।
उनले पहिलो सेटमा इजिप्टकी मायार शरिफसँग पछि परेर पनि जित निकालेकी हुन् । २८ वर्षकी प्लिस्कोभाले शरिफलाई ६–७ (९–११), ६–२ र ६–४ को सेटमा पराजित गरेकी हुन् ।
अमेरिकी खेलाडी सोफिया केनिन पनि दोस्रो चरणमा प्रवेश गरेकी छन् । २१ वर्षकी ककेनिनले रुसकी लुड्मिला साम्सोनोभालाई ६–४, ३–६ र ६–३ को सेतमा पराजित गरेकी हुन् ।
अहिलेसम्म ग्राण्ड सलाम उपाधि नजितेकी प्लिस्कोभाले विश्व नम्बर ४३ लात्भियाकी जेलेना ओस्तापेन्कोसँग दोस्रो चरणमा प्रतिस्पर्धा गर्ने छिन् ।
